سون جنگ چُھ نفرتکِس نظریَس خٕلاف: راہول۔ کھڑگے

کانگریس صدر ملیکارجن کھڑگے تہٕ سٲبقہٕ صدر راہول گاندھی یَن کوٚر آز بھارتیہ جنتا پارٹی (بی جے پی) پٮ۪ٹھ مُلکَس منٛز نفرَت پٲدٕ کرنُک الزام تہٕ ووٚنُن زِ کانگریس چھِ آز بی جے پی کِس تتھۍ نظریَس خٕلاف لڑان، ییٚلہِ زَن گۄڈٕ چھترپتی شیواجی مہاراج، شاہوجی مہاراج، مہاتما پھوٗلے تہٕ باقیو لوٚڑ اَمی جنگ۔ برٛسوارِ دۄہ ییٚتہِ أکِس عوٲمی جلسَس منٛز خطاب کٔرِتھ ووٚن راہول گاندھی زِ حالٕے منٛز آو مہاراشٹرَس منٛز چھترپتی شیواجی سُنٛد مجسمہٕ توڑ پھوڑ کرنہٕ تہٕ وزیر اعظم نریندر مودیَن چھِ اَمہِ باپتھ معٲفی منٛگمٕژ، لہاذا پزِ تٔمِس وَنُن زِ مجسمہٕ کٔمۍ پھُٹروو تہٕ تٔمۍ کیٛازِ کوٚر معٲفی۔ مہاراشٹر چھُ اکھ ترقی پسند ریاست۔ مُختٔلِف لوٗکو کٔر ییٚتہِ کٲم تہٕ نِیوُکھ لوٗکَن س یِمو سارِوٕے ہٲوِ مہاراشٹرٛا گژھنٕچہِ وَتھ۔ چھترپتی شیواجی مہاراج، شاہوجی مہاراج، پھوٗلے جی تہٕ باقٕے واریٛاہَو دِیُت مہاراشٹرَس سۭتۍ سۭتۍ پوٗرٕ مُلکَس زِنٛدٕگی تہٕ ترغیب دِنُک اکھ طریقہٕ۔