دِلہِ حکوٗمتَن دِیُت 118 ٹیچرَن سٹیٹ ٹیچر ایوارڈ

دِلہِ حکوٗمتَن دِیُت برٛسوارِ دۄہ دِلہِ ہِنٛدٮ۪ن 118 اُستادن سٹیٹ ٹیچر ایوارڈ 2024 عتا یِمو ٹیچرن ہِنٛدِس دۄہَس پٮ۪ٹھ تعلیٖمہِ ہِنٛدِس مٲدانس منٛز بہتٔریٖن کارکردگی ہُنٛد مظٲہرٕ کوٚرمُت چھُ۔ آز چھُ اُستادَن ہٕنٛز محنتہٕ تسلیم کرنُک تہٕ عزت کرنُک دۄہ۔ تٔمۍ ووٚن زِ "سٲنِس مُلکَس منٛز چھُ گروَن دیوتا سُنٛد درجہٕ دِنہٕ یِوان تہٕ امیُک احساس چھُ کلاس رومس منٛز گژھان، ییٚتہِ استاد نہ صرف سائنس، ریاضی، زبان پرناوان چھِ بلکہِ شُرٮ۪ن تہِ ہیٚچھناوان زِ تِہنٛدِ رویہٕ سۭتۍ کِتھ کٔنۍ چھُ زِنٛدٕ روزُن”۔ بچہٕ چِھ پننہٕ زندگی منٛز استادن ہنٛد رویہٕ ہنٛد ہر پہلو اپناوان تہٕ یمن پنن رول ماڈل سمجھان۔ "اَز چھِ دِلہِ ہِنٛدٮ۪ن سکوٗلَن منٛز ساسہٕ بٔدۍ استاد یِم پننہِ محنتہٕ سۭتۍ شُرٮ۪ن ہٕنٛدِ بہتر مستقبلٕچ وتھ ہاوان۔