کانگریس تہٕ این سی اسمبلی رُکنو کوٚر معراج ملک سٕنٛزِ فوری رِہٲیی ہُنٛد مُطالبہٕ

برٛسوارِ دۄہ جموں و کشمیر قانون ساز اسمبلی ہُنٛد اجلاس شُروع گژھنہٕ برٛونٛہہ کٔر نیشنل کانفرنس(این سی) تہٕ کانگریسٕکۍ واریاہو رُکنو ڈوڈا پٮ۪ٹھٕ منتخب کرنہٕ آمٕتۍ ایم ایل اے میراج ملک سٕنٛزِ رِہٲیی ہٕنٛدِس حمایتس منٛز پُر امن احتِجاج۔ صُبحس کوٚر نیشنل کانفرنس، کانگریس تہٕ باقٕے جماعتَن سۭتۍ وابستہٕ واریاہو رُکنو اسمبلی ہالَس نٮ۪برٕ کٔنۍ پلے کارڈ تُلِتھ یِمَن پٮ۪ٹھ لیٚکھِتھ: ‘معراج مٔلِک یَلہٕ ترٛٲوِو تہٕ سیٲسی انتقام رُکٲوِو’۔ ذٔرایعَو وون زِ یہِ احتِجاج گوٚو اجلاس شُروع گژھنہٕ برٛونٛہہ اسمبلی کمپلیکس کِس مرکزی دروازس پیٹھ، ییٚتہِ ارکانو نعرٕ لگاونہٕ ورٲے، پارٹی قیادتَس سۭتۍ ژھۄپہٕ پٲٹھۍ مُظٲہرٕ تہٕ حکوٗمتَس نِش فوری یَلہٕ ترٛاونٕچ منٛگ کٔر۔ یہِ چھُ قٲبلِ ذِکِر زِ ڈوڈاہُک ایم ایل اے معراج ملک اوسُکھ کینٛہہ رٮ۪تھ برٛونٛہہ پبلک سیفٹی ایکٹَس تحت حِراستَس منٛز نِنہٕ آمُت تہٕ چھُ وُنکینَس کٹھوعہ سنٹرل جیلَس منٛز حراستَس منٛز تھاونہٕ آمُت۔ نیشنل کانفرنسٕکۍ أکۍ سینئر رُکنَن ووٚن میڈیاہَس: ‘یہِ چھِ أکِس منتخب عوٲمی نُمایندٕ سٕنٛز غٲر منصفانہٕ گِرِفتٲری۔