بڈگامَس منٛز ڈرگ ڈیلر گِرِفتار، ممنوعہ مادٕ آو برآمد کرنہٕ: پولیس
منشیاتَس خٕلاف کریک ڈاؤن جٲری تھٲوِتھ کوٚر پولیسَن وسطی بڈگام ضِلعَس منٛز اکھ ڈرگ ڈیلر گِرِفتار تہٕ أمۍ سٕنٛدِس قبضَس منٛز کوٚرُکھ چرس ہیوٗ اکھ ممنوعہ مادٕ برآمد ۔ پُلسہٕ کہِ ترجمانَن ووٚن أکِس بیانَس منٛز زِ پُلیٖس پوسٹ سویہ بگ کہِ أکہِ ٹیٖمَن اوس وار پورہ گلوان پورہ کراسنگَس پٮ۪ٹھ اکھ چوکی قٲیِم کٔرمٕژ۔ تٔمۍ ووٚن زِ اَتھ وقتَس دوران آیہِ رجسٹریشن نمبر JK01Q – 7851 سۭتۍ اکھ مسافر آٹو رُکاونہٕ۔ أمۍ سٕنٛدِ مُطٲبِق ٲس تلٲشی دوران آٹوَس منٛز تھاونہٕ آمٕتۍ أکِس بیگَس منٛز 376 گرام چرٕس ہیوٗ ممنوعہ مادٕ تہٕ 27 گرام یِتھی چیز شٲمِل۔ پُلسہٕ ترجمانَن ووٚن زِ آٹو ڈرایورَن ہٕنٛز شناخت ٲس چودری باغ سادھن کِس روزَن وٲلِس بشیر احمد شیخ سٕنٛدِ نیچوُن ہلال احمد شیخ ناوٕ سٕنٛدِ ناوٕ سٕتہِ کرنہٕ آمٕژ۔ أمۍ ووٚن زِ سُہ آو گرفتار کرنہٕ تہٕ آٹو تہِ آو ضبط کرنہٕ۔ تٔمۍ ووٚن ووٚن زِ اَتھ سلسلَس منٛز چھُ بڈگام پولیس تھانس منٛز ایف آئی آر نمبر 295/2025 تحت این ڈی پی ایس ایکٹ کٮ۪ن مُتعلقہٕ دفعاتن تحت مقدمہٕ درٕج کرنہٕ آمُت، تہٕ مزید تفتیش چھِ شُروٗع کرنہٕ آمٕژ۔