جموں و کشمیر بینکَن چھُ پنٕنٮ۪ن برانچَن منٛز دیانتداری ہُنٛد عہد نِتھ ویجیلنس آگہی ہفتہٕ 2025 ہُک آغاز کوٚرمُت۔ چوکسی گژھہِ دۄہ دِش رہنُمٲیی اصوٗل آسٕنۍ: ایم ڈی تہٕ سی ای او
سنٹرل ویجیلنس کمیشن (سی وی سی) کِس قیادتس منٛز ملک گیر پہل کہِ حصہٕ پٲٹھۍ کوٚر جموں و کشمیر بینکَن باضٲبطہٕ طور ویجیلنس آگہی ہفتہٕ 2025 شروع۔ ایم ڈی تہٕ سی ای او امیتاوا چٹرجی یَن کٔر دِلہِ پٮ۪ٹھٕ ورچوَلی تقریبٕچ صدارت، ییٚلہِ زَن ایگزیکٹو ڈائریکٹر سدھیر گپتا تہٕ سی جی ایم سُنیت کُمارن کٔر جموں پٮ۪ٹھٕ شرکت۔ کارپوریٹ ہیڈ کوارٹرَس منٛز کٔر سی جی ایم امتیاز احمد، چیف ویجیلنس آفیسر (سی وی او) امبریش کمار مشرا، جنرل منیجر، ڈپٹی جنرل منیجر، تہٕ باقٕے سینئر بینک اہلکارو شرکت۔ ہفتُک آغاز گوٚو امیتاوا چٹرجی سٕنٛدِ بینکٕک افسرَن تہٕ سٹافَن دیانتداری ہُنٛد عہد دِنہٕ سۭتۍ شُروٗع۔ ییٚمہِ ؤرۍ یہِ چھُ ویجیلنس آگہی ہفتہٕ 27 اکتوبر پٮ۪ٹھٕ 2 نومبر 2025 تام مناونہٕ یِوان، یَتھ منٛز ‘ویجیلنس: سون مشترکہٕ ذمہٕ دٲری’ چھُ تمام اسٹیک ہولڈرَن ہٕنٛز اجتمٲعی ذمہ دٲری اجاگر کران۔