کشمیر سِنٛگرز سوسایٹی ہٕنٛدِ طرفہٕ ٹیگور ہال، سرینگرَس منٛز اکھ عظیم الشان تقریٖب،وۅستاد غلام احمد صوفی سٕنٛزِ عظیٖم آوازِ خراج عقیدت پیش۔

وادی کشمیر ہٕندِس مشہوٗر تہٕ مشہوٗر فنکار استاد غلام احمد صوفی سٕندِس یادس منز آو کشمیر سِنٛگرز سوسائٹی طرفہٕ ٹیگور ہال، سرینگرس منز اکھ عظیم الشان تقریبہِ ہُند اہتمام کرنہٕ یَتھ منز اکیڈمی آف آرٹ، کلچر اینڈ لینگویجز، جموں و کشمیرٕکۍ ایڈیشنل سیکریٹری عدیل سلیم بطورِ مہمان خصوصی شرکت کٔر۔ تٔمِس سۭتۍ کٔر اتھ تقریٖبَس منٛز کشمیر سِنٛگرز سوسایٹی ہُنٛد چیئرمین گُلزار احمد گنائی تہٕ وادی ہِنٛدٮ۪و باقٕے مشہوٗر گٮ۪وَن وٲلۍ تہِ شرکت۔ یہِ تقریب آیہِ پیر ولی فاؤنڈیشن تہٕ ارشد ہیومن ریسرچ فاؤنڈیشن کہِ مدتہٕ سۭتۍ منعقد کرنہٕ۔ تقریبس دوران کوٚر حٲضِر پژھیو مرحوٗم استاد غلام احمد صوفی یس دِلہٕ دِلہٕ لفظن منٛز خراج عقیدت پیش کران زِ تٔمۍ ترٲو پننِس فنس منٛز تیوٗت چھاپ زِ تٔمۍ سٕنٛز یاداشت چھِ وُنہِ تہِ سانہِ دِلَن منٛز تازٕ۔ تِمَو ووٚن زِ مرحوٗم فنکار گزریوو 2005 منٛز مگر 20 ؤری پتہٕ تہِ چھُ نہٕ تٔمۍ پننِس فنَس ذٔریعہٕ عوامس خٲطرٕ دِیُت تعاون مشرٲوِتھ