*سرینگرَس منٛز گِرِفتار کرنہٕ آمٕژ زَنانَن ہٮ۪تھ ژور او جی ڈبلیو۔ گرینیڈ، اے کے گولہ بارود آو بازیافت*

جموں و کشمیر پولیسَن چھِ شہرَس منٛز دہشت گردَن لاجسٹک مدد فراہم کرنَس پٮ۪ٹھ اکھ زنانہٕ سان ژور زٔمیٖنی کارکُن (او جی ڈبلیو) گِرِفتار کٔرمٕتۍ۔أکہِ سینئر پولیس افسرَن ووٚن زِ گِرِفتٲرِی آیہِ بۄدھوارِ دۄہ رٲژ سرینگر کِس حضرت بل علاقہٕ پٮ۪ٹھٕ أکِس ٹارگٹڈ کاروٲیی دوران کرنہٕ۔تٔمۍ ووٚن زِ گِرِفتار کرنہٕ آمٕتۍ نفرَن ہٕنٛز شناخت چھِ ظہور احمد میر، بشیر احمد بھٹ، غلام محمد بھٹ، تہٕ شازیہ محمد ناوٕ سۭتۍ کرنہٕ آمٕژ، یِم سٲری حضرت بلٕکۍ روزَن وٲلۍ چھِ۔افسرَن ووٚن زِ کاروٲیی دوران آیہِ یِہنٛدِ قبضَس منٛز اکھ ہینڈ گرنیڈ، اے کے-47 گولہٕ بوروٗدٕکۍ 15 راؤنڈ، ژور موبایِل فون تہٕ کینٛہہ نقدی برآمد کٔرمٕژ۔اَفسَرَن ووٚن زِ وصولی پتہٕ آو یِمَن خٕلاف غٲر قونوٗنی سرگرمی (روک تھام) ایکٹ (یو اے پی اے) تہٕ آرمز ایکٹ کٮ۪ن مُتعلقہٕ دفعاتن تحت مقدمہ درٕج کرنہٕ، تہٕ مزید تفتیش چھُ شُروٗع کرنہٕ آمُت۔