*بارہمولہ ایم پی انجینئر رشید سند عبوری ضمانتُک حکم محفوظ*

پٹیالہ ہاؤس کورٹَن کوٚر بۄدوارِ دۄہ بارامولا ممبر پارلیمینٹ عبدالرشید شیخ (ایر رشید) سٕنٛدِس عبوری ضمانتٕچ درخاستَس پٮ۪ٹھ پنُن حُکُم محفوظ، یٔمۍ وینٹی لیٹرَس پٮ۪ٹھ دٲخٕل پننِس بیمار مٲلِس سۭتۍ مِلنہٕ باپتھ عارضی رِہٲیی ہُنٛد مطالبہ کوٚرمُت چھُ۔ذرایعَو ووٚن خبر رساں ایجنسی کشمیر نیوز سروس (کے این ایس) زِ ایم پی ایر رشید، یُس وُنکینَس حراستَس منٛز چھُ، چھُ طِبی بُنیادَن پٮ۪ٹھ عبوری ضمانتٕچ درخواست عدالتَس منٛز درٛاوٕ۔ عرضی ہٕنٛز سماعت کٔر عدالتَن ، ییٚتہِ نیشنل انویسٹی گیشن ایجنسی (این آئی اے) کٔر أکِس خُفیہٕ رپورٹُک حوالہ دِتھ درخواستٕچ مخٲلفت۔ ایجنسیَن کوٚر عرض زِ عبوری ضمانت گژھِ نہٕ دِنہٕ یِنۍ مگر اِشارٕ چھُ زِ امہِ بدلہٕ ییہِ حراستَس منٛز پیرولَس پٮ۪ٹھ غور کرنہٕ۔پیشی دوران کٔر عدالتَن گذارشات ریکارڈَس پٮ۪ٹھ تہٕ کوٚرُن پنُن حُکُم محفوظ۔ ذرایعَو ووٚن زِ یہِ معاملہٕ چھُ وۄنۍ 24 اپریل اعلان کرنہٕ خٲطرٕ درٕج کرنہٕ آمُت۔قٲبلِ ذِکِر کتھ چھِ یہِ زِ پارلیمنٹَس منٛز بارامولا ہٕچ نمایندگی کرن وول ایر رشید چھُ این آیی اے کیسَس کِس سلسلَس منٛز حراستَس منٛز۔