*ایل جی یَن کوٚر اُدھم پور حٲدثہٕ متٲثرین ہٕنٛدِ صحتَس مُتعلِق پرژھنہٕ خٲطرٕ جی ایم سی جوٚمُیک دورٕ*

جموں و کشمیرٕکۍ لیفٹیننٹ گورنر منوج سنہاہَن کوٚر بودوارِ دۄہ اُدھم پورَس منٛز حالٕے سڑک حٲدثہٕ کِس دۄن شدیٖد زخمی متٲثرین ہٕنٛز حالت وٗچھنہٕ خٲطرٕ یَتہِ گورنمنٹ میڈیکل کالجُک (جی ایم سی) دورٕ۔20 اپریل دۄہ اُدھم پوٗر ضِلعہٕ کِس رام نگر علاقَس منٛز اکھ زیٛادٕ بٔرِتھ مسافر بس أکِس بالہٕ پٮ۪ٹھٕ تقریباً 100 میٖٹر پٮ۪ٹھٕ پیٚنہٕ سۭتۍ گٔیہِ کم از کم 21 نَفر ہلاک تہٕ باقٕی 51 زخمی ۔اَکہِ سرکٲرِ ترجمانَن ووٚن زِ ڈاکٹرَن ہٕنٛزِ أکہِ ٹیٖمہِ دِژ سنہاہَس زخمیَن ہٕنٛز صحت حالتَس تہٕ خصوٗصی علاجٕک پروٹوکولَس مُتعلِق زانکٲری ۔ہسپتالٕکۍ حکامَو دِژ ایل جی یَس اِطلاع زِ ہنس راج تہٕ لکھوِندر سنگھ چھِ سینئر ہیلتھ کیئر پیشہٕ ورن ہٕنٛزِ مُسلسل نگرٲنی منٛز تہٕ چھِ اعلیٰ ترین طبی دیکھ بھال حٲصِل کران۔ترجمانَن ووٚن زِ سنہاہَن دِیُت ہسپتال انتظامیہ ہٕنٛز ہدایت زِ تِم کٔرِن تِہنٛدِ جلدٕی صحت یاب گژھنہٕ خٲطرٕ بہتریٖن طِبی دیکھ بھال یٔقیٖن.