*ایم پی آغا روح اللہ ہن چھے اکھ نٔو سیٲسی جماعت بناونٕہ چؠن خبرن تردید کٔرمٕژ*

رُکُن پارلیمینٹ آغا روح اللہ مہدی یَن کوٚر برٛسوارِ دۄہ اَتھ خبرَس تردید زِ سُہ چھُ اکھ نٔو سیٲسی جماعت بناوان، یہِ ؤنِتھ زِ تٔمِس چھُنہٕ یِتھۍ کُنہِ تہِ قدمَس مُتعلِق کانٛہہ تہِ خبر۔خبر رساں ایجنسی کشمیر نیوز آبزرور (کے این او) مُطٲبِق ووٚن ایم پی روح اللہ ہَن صحافیَن سۭتۍ کتھ باتھ کٔرِتھ زِ تٔمِس چھُنہٕ أمۍ سٕنٛدِس ناوَس پٮ۪ٹھ کانٛہہ تہِ پارٹی بناونہٕ یِنٕچ خبر۔ "میہ تہِ وَن کمہِ پارٹی منز چھہ میون ناو۔ میہ تہِ چھیہ نہ پتاہ زِ یہ کُس چھہ بناوان۔ اگر کانٛہہ چھُ، بہٕ کَرٕ اکھ درخاست تہِ دٲخٕل”۔یہِ تبصرٕ آو جموں و کشمیرَس منٛز مُمکِنہٕ سیٲسی نوِ سرٕ صف بندی پٮ۪ٹھ قیاس آرائیَن دوران کرنہٕ۔رِزرویشن کِس معاملَس پٮ۪ٹھ ووٚن تٔمۍ زِ حکوٗمتی ردعملُک انتظار چھُ تہٕ تٔمِس چھُ اطلاع دِنہٕ آمٕژ زِ فایل ٲسٕکھ لیفٹیننٹ گورنر سٕنٛدِس دفترَس سوزنہٕ آمٕژ۔تٔمۍ ووٚن زِ حکوٗمتَس پَزِ واضح کرُن زِ فایل کر یِیہِ واپس اننہٕ تہٕ کَم ٹھوس قدم یِن تُلنہٕ۔ "حکوٗمتَس پَزِ نہٕ یہِ معاملہٕ تسلیم کرنس پیٹھ رُکاونہٕ یُن۔