جموں و کشمیر بینکَن کوٚر جنرل منیجر راجیش گپتاہَس گرمجوشی سان الوداع ۔

اَز کوٚر جموں و کشمیر بینکَن جنرل منیجر راجیش گپتاہَس گرمجوشی سان الوداع، یُس 36 ؤرۍ یَن ہٕنٛزِ وقف خٔدمَت پتہٕ سبکدوش گوٚو۔ 1989 منٛز پروبیشنری آفیسر سٕنٛدِ حثیتہٕ شروٗع کٔرِتھ ووت راجیش گُپتا جنرل منیجر عہدس پٮ۪ٹھ ، تہٕ کٔرن واریاہن اہم عہدن پٮ۪ٹھ کٲم یِمن منٛز زونل ہیڈ، ڈویژنل ہیڈ، تہٕ حال حالٕے بینکٕک کارپوریٹ ہیڈ کوارٹرَس منٛز آفیسر آن سپیشل ڈیوٹی (او ایس ڈی) شٲمِل چھِ۔ الوداعی تقریب آیہِ بینک کِس کارپوریٹ ہیڈ کوارٹرَس منٛز منعقد کرنہٕ، یَتھ منٛز ایگزیکٹو ڈائریکٹر سُدھیر گپتاہن صدارت کٔر۔ اَتھ تقریٖبَس منٛز کٔر سی جی ایم سُنیت کُمار تہٕ امتیاز احمد بھٹ، جنرل منیجر، ڈی جی ایم تہٕ باقٕے اعلیٰ عہدٕدارو شرکت۔ اتھ موقعَس پٮ۪ٹھ پننِس پیغامَس منٛز کٔر ایم ڈی تہٕ سی ای او امیتاوا چٹرجی یَن سبکدوش گژھَن وٲلِس اَفسَر سٕنٛز خۄشگوار شخصیت، پُرسکون وتیرٕ تہٕ دوستانہٕ طبیعتٕکۍ تعریٖف۔ تٔمۍ ووٚن، "مسٹر راجیش گپتاہٕنۍ پیشورانہٕ زِندگی چھےٚ لگنہِ تہٕ عٲجزی ہٕنٛز عکٲسی کران۔