لیفٹیننٹ گورنرَن کٔر ایس کے یو اے ایس ٹی کشمیر کین طٲلبہِ علمن ہٕندِس شمولیتی پروگرامس پیٹھ خطاب تٔمۍ دِیُت زرعی تعلیمہِ منٛز تبدیلی اَنٕچ ضرورتس پٮ۪ٹھ زور

لیفٹیننٹ گورنر جناب منوج سنہاہَن ووٚن، "اسہِ چھُ ہندوستانٕچ ترقی جوش دِنہٕ خٲطرٕ زراعت تہٕ متعلقہ شعبن منٛز تیزی سان ترقی کرنٕچ ضرورت”۔ تٔمۍ ووٚن زِ ترقی یافتہٕ ہندوستان بناونُک سون بنیٲدی مقصد گژھہِ 5 فی صد سالانہٕ ترقی ہُنٛد مُسلسل شرح حٲصِل کرُن۔ لیفٹیننٹ گورنرَن دِیُت مُستقبِلَس منٛز پایدار طٔریٖقہٕ یقینی بناونہٕ خٲطرٕ زرعی تٲلیٖمہِ منٛز تبدیلی اَنٕچ ضرورتَس پٮ۪ٹھ زور۔ لیفٹیننٹ گورنرَن ووٚن، "ایس کے یو اے ایس ٹی ہِوۍ تٲلیٖمی اِدارَن پزِ زٔمیٖن دارن ہٕنٛز پٲداوارٕ تہٕ آمدٔنی منٛز ہُرٮ۪ر کرنہٕ تہٕ تھدِ قۭمتی فصلن منٛز تنوع بناونہٕ خٲطرٕ اسٹریٹجک منصوبہٕ بندی خٲطرٕ اے آے تکنیکَن پٮ۪ٹھ توجہ دِنہٕ۔” لیفٹیننٹ گورنر اوس ایس کے یو اے ایس ٹی کشمیر کِس طٲلبہِ علمن ہٕنٛدِس استقبالیہ پروگرامس خٕطاب کران، یُس ‘تنوع منٛز اتحاد’ کِس موضوعس تحت منعقد سپدان اوس۔ یہِ پروگرام اوس سردھا طرفہٕ منعقد کرنہٕ آمُت۔