جموں و کشمیر چھُ بیوروکریٹَن ہٕنٛدِس رحم و کرمس پٮ۪ٹھ تراونہٕ آمُت: ایم پی میاں الطاف

سرینگر، 26 جولائی (یو این آئی) جموں و کشمیر نیشنل کانفرنس (جے کے این سی) ہٕنٛدۍ سینئر رہنما تہٕ اننت ناگ-راجوری پارلیمانی نشست خٲطرٕ ممبر پارلیمنٹ میاں الطاف احمدن لوک سبھا منٛز جٲری بحثس منٛز حصہٕ نِنہٕ وِزِ کوٚر مرکزس پٮ۪ٹھ تنقید تہٕ ووٚن زِ جموں و کشمیر خٲطرٕ حالٕے پیش کرنہٕ آمُت مرکزی بجٹ تیار کرنہٕ وِزِ آو نہٕ کانٛہہ تہِ سٹیک ہولڈر اعتمادَس منٛز نِنہٕ۔

تٔمۍ ووٚن زِ جموں و کشمیرَس منٛز چھَنہٕ پٔتمہِ سَتن ؤرۍ یَو پٮ۪ٹھ کانٛہہ منتخب حکومت تہٕ پٔتِمٮ۪ن دہَن ؤرۍ یَن منٛز چھُنہٕ کانٛہہ اسمبلی اِنتِخاب، جموں و کشمیر چھُ بیوروکریٹَن ہٕنٛدِس رحم و کرمس پٮ۪ٹھ تراونہٕ آمُت۔