پلوامِس منٛز زارٕ خانَس پٮ۪ٹھ چھاپہٕ، 2 نَفر گِرِفتار: پُلیٖس

عوٲمی امن برقرار تھاونہٕ خٲطرٕ تہٕ غٲر قونوٗنی زارٕ چہِ سرگرمیَن خٕلاف مُہمہِ تحت کٔر پلوامہ پولیسَن مورُن علاقَس منٛز أکِس عوٲمی جایہِ پٮ۪ٹھٕ زارَس منٛز شٲمِل زٕ نَفر گِرِفتار۔
پُلسہٕ کہِ ترجمانَن ووٚن زِ زارٕ چہِ سرگرمیَن مُتعلِق تصدیٖق شُدٕ زانکٲری حٲصِل کرنہٕ پتہٕ کٔر پلوامہ پُلسہٕ تھانہٕ کہِ أکہِ ٹیٖمَن فوری طور موقعہٕ جایہِ پٮ۪ٹھ چھاپہٕ۔
تمہِ وو٘ن زِ چھاپَس دوران آیہِ 52 گِنٛدٕنہٕ کارڈ تہٕ شرط لاگنہٕ خٲطرٕ استعمال کرنہٕ آمٕتہِ 9,000 رۄپیہِ برآمد کٔرِتھ ضبط کرنہٕ تہٕ زٕ شکاوَر افراد ٲسِکھ واقعہٕ جایہِ پٮ۪ٹھٕ گِرِفتار کٔرمٕتۍ۔
گِرِفتار کرنہٕ آمٕتۍ نفرَن ہٕنٛز شناخت آیہِ مورونٕکۍ روزَن وٲلۍ غلام نبی شیخ سُنٛد نیٚچُو، محمد سلیم شیخ تہٕ مورونٕکۍ روزَن وٲلۍ محمد شفیع گنایی سُنٛد نیٚچُو امتیاز احمد گنائی ناوٕ سۭتۍ کرنہٕ۔
پُلسہٕ ترجمانَن ووٚن زِ باقٕے ژور نَفر گٔیہِ واقعہٕ جایہِ پٮ۪ٹھٕ ژلنس منٛز کامیاب۔
تٔمۍ ووٚن بیٚیہِ زِ پلوامہ پُلسہٕ تھانس منٛز چھِ 13/2026 نمبرَس تحت مُتعلقہٕ ایکٹَس تحت ایف آئی آر درٕج کرنہٕ آمٕژ تہٕ مٔزیٖد تفتیش چھِ شُروٗع کرنہٕ آمٕژ۔