10مہِ جمٲژ ہِنٛدۍ بورڈ امتحان ازکہِ پٮ۪ٹھہٕ شروع۔

کٔشیٖرِ منٛز چھِ 10مہِ جمٲژ ہُنٛد سالانہٕ بورڈ امتحان از ژٔندٕروارِ دۄہ شُروع گَژھان۔ کُل کُل چھِ وادی کشمیر تہٕ جموں صوبٕک ونٹر زون علاقَن ہٕنٛدِ 97,500 طٲلبہِ عٔلِم یِمَن امتحانَن منٛز حصہٕ نِوان۔

جموں و کشمیر بورڈ آف سکول ایجوکیشن (جے کے بی او ایس ای) ہُنٛد سیکریٹری غلام حسن شیخَن ووٚن زِ کٔشیٖرِ ہٕنٛدِ 72,232 وۄمیدوار تہٕ جموں صوبہٕ کٮ۪ن ونٹر زون علاقَن پٮ۪ٹھ 25,268 وۄمیدوار نِن امتحانَن منٛز حصہٕ۔ 12مہِ جمٲژ ہُنٛد امتحان گَژھِ 21 اکتوبر شُروع تہٕ 11مہِ جمٲژ ہُنٛد امتحان یِن 29 اکتوبر پٮ۪ٹھٕ کرنہٕ۔ یِم امتحان یِن کٔشیٖرِ ہٕنٛدٮ۪ن تمام 10 ضِلعن تہٕ صوبہٕ جموں کِس ونٹر زون علاقَن منٛز کرنہٕ۔

مجموعی طور پٲٹھۍ چھِ تقریباً 270,000 طالب علمن ہٕنٛدِ 10مہِ، 11مہِ تہٕ 12مہِ جمٲژ ہٕنٛدِ سالانہٕ امتحانَن منٛز حصہٕ نِنٕچ توقع۔

صحت تہٕ طِبی تعلیٖم، سکول تٲلیٖم، اعلیٰ تعلیم تہٕ سمٲجی بہبودٕچ وزیر، سکینہ ایتوَن کٔر آز امتحانَن منٛز حصہٕ نِنہٕ والٮ۪ن طالب علمَن نیک خواہشات۔ تٔمۍ ووٚن زِ بورڈَن چھِ اِمتحان آسانی سان تہٕ منظم اندازَس منٛز منعقد کرنہٕ باپتھ ضروٗری تیٲرِی پوٗرٕ کٔرمٕژ۔