عام آدمی پارٹی چھِ پنجابس منٛز خلل تراوَن والۍ، قوم دشمن عناصرن ہٕنٛز سرپرستی: چُگ

بھارتیہ جنتا پارٹی ہٕنٛدِ قومی جنرل سیکریٹری ترُن چگَن کٔر آز پنجابَس منٛز قوم خٕلاف خلل تراوَن وٲلۍ قوتَن یَلہٕ دِنہٕ پٮ۪ٹھ عام آدمی پارٹی حکومتَس پٮ۪ٹھ تنقید۔بی جے پی دفترَس تہٕ لیڈرَن پٮ۪ٹھ قوم دشمن قوتَن ہٕنٛدِ حملَن ہٕنٛز مذمت کران چھُ چُھن عام آدمی پارٹی حکوٗمتَس ریاستَس منٛز دلِت برادٔری خٕلاف ظُلمَن ہٕنٛدٮ۪ن بڑوٕنٮ۪ن واقعاتن ہُنٛد براہ راست ذمہٕ وار قرار دِوان۔چُگَن ووٚن زِ بھگوَنت مان سٕنٛزِ قیادتَس منٛز چھُ پنٛجابَس امن و امانُک پریشان کُن خرابی وُچھنہٕ یِوان، یَتھ منٛز دلتَن نشانہٕ بناونہٕ چھِ یِوان، تِہنٛدِ گَرٕ زالنہٕ آمٕتۍ، تہٕ بی آر امبیڈکرَس ہِوۍ سمٲجی انصافٕچ علامتَن چھِ بار بار بے عزتی کرنہٕ یِوان۔کھدُر صٲب واقعہٕ ہُنٛد حوالہٕ دِوان چھُ چُگَن اِلزام زِ عام آدمی پارٹی ہُنٛد اکھ سرپنچ، بلونت سنگھ گورا، یُس مُبینہٕ پٲٹھۍ عام آدمی پارٹی ہُنٛد ایم ایل اے منِندر سنگھ لال پور سُنٛد رشتہٕ دار چھُ، چھُ أکِس دلِت بسکیٖن دَر لابھ سنگھ سُنٛد گَرٕ زالنس منٛز مُلوث.