*قاضی گُنڈ حٲدثس منٛز 3 سکول کورِ زخمی، ڈرائیور گرفتار*

حکامَن وون زِ ژٔندٕروارِ دۄہ گٔیہٕ جنوٗبی کشمیر کِس کلگام ضِلعہٕ کِس قاضی گُنٛڈ علاقَس منٛز أکِس سڑک حٲدِثس منٛز کم از کم ترٛےٚ سکول کورِ زخمی۔أکۍ اہلکارَن ووٚن خبر رساں ایجنسی کشمیر نیوز آبزرور (کے این او) زِ یہِ حٲدِثہٕ گوٚو کُلباغ-قاضی محلہ لنک روڈَس پٮ۪ٹھ تَمہِ وِزِ ییٚلہِ رئیس احمد رادر سٕنٛزِ چلاوَن واجیٚنۍ آیی 20 کارِ طالبہِ علمَن قزیگُنڈَس کُن گَژھان گٔیہِ۔زخمیَن ہٕنٛز شناخت چھِ شمپورہ کِس محمد الطاف پرے سٕنٛز کورِ فاطمہ جان تہٕ سالیالو کِس محمد الطاف زاہد سٕنٛز کورِ عالیہ جان ناوٕ سۭتۍ کرنہٕ آمٕژ۔فاطمہ جان گٔیہِ شدیٖد زخمی، ییٚلہِ زِ باقٕی زٕ گٔیہِ معموٗلی زخمی۔ تمام زخمی ٲسِکھ علاج باپتھ ایمرجنسی ہسپتال قاضی گُنڈ منتقٕل کٔرمٕتۍ۔پولیسَن ووٚن زِ جلدٕی کٲم کٔرِتھ آو قونوٗن کٮ۪ن مُتعلقہٕ دفعاتن تحت اکھ مقدمہٕ (ایف آئی آر نمبر 102/2026) پولیس تھانس قاضی گُنڈَس منٛز درٕج کرنہٕ تہٕ تفتیش آیہِ شروع کرنہٕ۔