*اے سی بی یَن کٔر 4,000 رۄپیہِ رُشوَت خوری ہٕنٛدِس ٹریپ کیسَس منٛز سٲبِقہٕ پی ڈبلیو ڈی مُلٲزِمَس خلاف چارج شیٹ درٕج*
جموں و کشمیر اینٹی کرپشن بیوروَن ووٚن ژٔندٕروارِ دۄہ زِ تِمو چھُ پی ڈبلیو ڈی (آر اینڈ بی) سرکل گندر بلٕکۍ سٲبقہٕ کمپیوٹر آپریٹرَس خلاف 4000 رۄپیہِ ہٕنٛدِس رُشوَت خوری کیسَس منٛز چارج شیٹ درٕج کٔرمٕژ۔حکامَو وون زِ یہِ مقدمہٕ چھُ اینٹی کرپشن کورٹ سری نگرَس منٛز ایٚڈِشنَل سپیشل ججَس برٛونٛہہ کَنۍ درٕج کرنہٕ آمُت، یَتھ منٛز بیٛاکھ سُنوٲی 10 جوٗن مقرر چھِ۔خبر رساں ایجنسی کشمیر نیوز آبزرور (کے این او) جٲری کَرنہٕ آمتِس أکِس بیانَس منٛز وون زِ جموں و کشمیر اینٹی کرپشن بیوروَن چھُ پُلسہٕ تھانہٕ اے سی بی سری نگر کشمیرَس منٛز مُلزِم سرکٲرِ مُلٲزِم رفیق احمد شیخَس خٕلاف تَمہِ وقتُک کمپیوٹر آپریٹر پی ڈبلیوڈی (آر اینڈ بی) سرکل گندر بلَس خٕلاف انسداد بدعنوانی ایکٹ 1988 کِس دفعہٕ 7 ہَس تحت درٕج ایف آئی آر نمبر 07/2022 مقدمَس منٛز چارج شیٹ پیش کٔرمٕژ۔ ایٚڈِشنل سپیشل جج، اینٹی کرپشن کورٹ سری نگرَس برٛونٛہہ کَنۍ رُشوَت خوری ہٕنٛدِس أکِس معاملَس منٛز۔تٔمۍ ووٚن زِ ایف آئی آر آیہِ 02-03-2022 تحریری شِکایتَس پٮ۪ٹھ درٕج کرنہٕ۔