سرینگر پولیسَن کور 1.5 کرور رۄپین ہُنٛد نشہٕ فروش سند اثاثہٕ ضبط.
جٲری نشا مُکت جموں و کشمیر ابھیانَس تحت منشیاتٕچ غیر قانونی تجارت خٕلاف سخت کریک ڈاؤن جٲری تھوِتھ چھُ سریٖنگر پولیسَن أکِس بدنام نشاور ادوِیات فروش سٕنٛدِس تقریٖباً 1.5 کرور رۄپیہِ ہُنٛد غٲر منقولہ جایداد ضبط کوٚرمُت۔پُلسہٕ تھانہٕ ریناواری یَن این ڈی پی ایس ایکٹ کِس دفعہٕ 68-F کِس دفعاتن تحت کٲم کٔرِتھ کٔر اکھ منزلہٕ رہٲیشی مکانہٕ تہٕ مُلزِم بلال احمد پٹو سٕنٛدِس علی محمد پٹو سٕنٛدِس سُلطان محلہٕ، سِیداکدل، سِرینگر سٕنٛدِس 11 مرلَن ہٕنٛز زٔمیٖن تہِ ضبط۔ مُلزِم چھُ این ڈی پی ایس ایکٹ کِس دفعہٕ 8/20-29 تحت ایف آئی آر نمبر 39/2022 منٛز مُلوث۔یہِ جایداد چھِ منشیاتٕچ غیر قانونی طور حٲصِل کٔرمٕژ اثاثہٕ پٲٹھۍ شناخت کرنہٕ آمٕژ یُس منشیاتٕچ غیر قانونی تجارت سۭتۍ پٲدٕ کرنہٕ آمُت چھُ۔یہِ کاروٲیی چھِ سرینگر پولیسُک نشاور ادوِیات فروشَن ہُنٛد مٲلی نیٹ ورک ختم کرنہٕ تہٕ نشاور ادوِیاتُک خطرٕ رُکاونہٕ خٲطرٕ مضبوٗط عزمَس پٮ۪ٹھ زور دِوان۔