این ایچ ایٚم مُلٲزِمن ہٕنٛدِس 72 گٲنٛٹن ہرتالس منٛز کانگریس رہنُماہن ہٕنٛز شرکت۔ 

کانگریس کٮ۪وسینئر رہنُماہو تہِ سپٕدۍ محکمہٕ صحتَس منٛز نیشنل ہیلتھ مشنَس تحت کٲم کرن وٲلۍ مُلٲزِمن ہٕنٛدِس 72 گٲنٛٹن ہٕنٛدِس ہڑتالَس منٛز شٲمِل تہٕ کوٚرُکھ  یِمن احتجاج کَرن والٮ۪ن مُلٲزِمن سۭتۍ یکجہتی ہُنٛد اظہار۔ این ایچ ایٚم مُلٲزِمو کوٚر اَز اننت ناگَس منٛز چیف میڈیکل آفیسر سٕنٛدِس دفترَس نٮ۪برٕ کنہِ پنُن احتجاج ۔ اَتھ موقعس پیٹھ گٔیہِ کانگریسٕچ سینئر رہنُما تہٕ وومینز وِنگ انچارج شاہینہ نداف احتجاجی کیمپَس منٛز شٲمِل تہٕ این ایچ ایم مُلٲزِمن سۭتۍ یکجہتی ہُنٛد اِظہار کٔرِتھ  دِیُتُکھ تِمن یہِ یقین زِ کانگریس روزِ تِہنٛدین جٲیز مطالبن ہٕنٛدِ حمایتہٕ خٲطرٕ پرٮ۪تھ مُمکِن سطحس پٮ۪ٹھ تۅہیہِ سۭتۍ کھڑا۔ 

شاہینہ ندافن ووٚن زِ این ایچ ایم مُلٲزِم چھِ واریاہ کالہٕ پیٹھٕ محکمہ صحت کِس نظامَس منٛز کٲم کران، تہٕ یِہٕنٛدۍ مسلہٕ تہٕ مطالبہٕ چھِ سنجیدگی سان حل کرنٕچ ضرورت۔