میرواعظ کشمیر  ایرٲنۍ صدرَس سۭتۍ کتھ باتھ کرنہٕ خٲطرٕ دِلہِ کُن روانہٕ ۔

ہندوستانس منٛز ایرانٕکۍ سفیر سٕنٛدِس دعوتس پٮ۪ٹھ گوٚو میرواعظ کشمیر مولوی محمد عمر فاروق از اسلامی جمہوریہ ایران کِس صدر ڈاکٹر مسعود پیزیشکیانس سۭتۍ ملاقات  تہٕ کتھ باتھ کرنہٕ خٲطرٕ دِلہِ ۔ ایرانُک صدر چھُ وُنکینَس برکس سربراہی اجلاسَس منٛز شِرکت کرنہٕ باپتھ دارالحکوٗمت دِلہِ منٛز۔ 

یہِ چھُ قٲبلِ ذِکِر زِ میرواعظ محمد عمر فاروق چھُ اکھ علیحدگی پسند رہنُما تہٕ کٔشیٖرِ ہٕنٛز تٲریٖخی جامع مسجدِ ہُنٛد مبلغ۔ میرواعظ خاندان چھُ صدیو پیٹھٕ نوہٹہ کِس کٔشیٖرِ ہٕنٛزِ تٲریٖخی جامع مسجدِ منٛز جُمعہ تہٕ عید واعظ دِوان، تہٕ میرواعظ چھُ ہمیشہٕ اکھ بااثر شخصیت ماننہٕ یِوان۔ سٲبِقہٕ میرواعظ مولوی محمد فاروق سٕنٛدِ قتلہٕ پتہٕ آو مرحوٗم مولوی محمد عمر فاروق سُنٛد نیٚچُو ‘میرواعظ’ مقرر کرنہٕ تہٕ تَمہِ پتہٕ چھُ سُہ پنٕنۍ ذمہ دٲریہِ سرانجام دِوان۔