پٲکِستان زیر انتظام کٔشیٖرِ مَنٛز  یہِ سپدان چھُ سُہ چھُ غٲر انسٲنی تہٕ ناقابل قبول: روِیندر رانا 

بی جے پی قومی ایگزیکٹو ممبر تہٕ جموں و کشمیر بی جے پی  پارٹی ہٕنٛدۍسٲبِقہٕ صدر روِیندر رانا ہن  کٔر جٔنوٗبی کٔشیٖرِ  ہٕنٛدِس پلوامہ ضِلعہٕ کِس لاسی پورہ علاقَس منٛز أکِس ذٲتی تقریٖبہِ منٛز شِرکت تہٕ کوٚرُن مقٲمی لوٗکَن سۭتۍ ملاقات۔ بی جے پی پلوامہ ضِلعہٕ صدر محمد لطیف بٹ تہِ ٲس تِمن سۭتۍ  تہٕ پارٹی ہٕنٛدۍباقٕے سینئر رہنُما تہِ ٲسۍ اتہِ موجود۔ 

تقریٖبہِ منٛز تقریر کران کٔرۍ رویندر رانا ہَن ضِلعس اکھ مثبت شناخت دِنَس منٛز پلوامہ کٮ۪ن لوٗکَن ہٕنٛدِ کِردارٕکۍ تعریف۔ تٔمۍ ووٚن زِ پلوامِکۍ نوجوان چھِ قومی تہٕ بین الاقوٲمی سطحَس پٮ۪ٹھ مُختٔلِف شعبَن منٛز پننٮ۪ن صلٲحیتَن ہُنٛد مُظٲہرٕ کران، ییٚمہِ سۭتۍ نہ صرف ضِلعَس بلکہِ پوٗرٕ مُلکَس منٛز تہِ تِمن پہچان میٖجمٕژ چھےٚ۔ 

اَتھ دوران کوٚرروِینٛدر راناہَن پٲکِستان کہِ زیر انتظام کٔشیٖرِ ہٕنٛدِس موجودٕ صورتحالَس پٮ۪ٹھ سٮ۪ٹھاہ تشویشُک اِظہار۔ تٔمۍ ووٚن زِ پٲکِستان کہِ زیر انتظام کٔشیٖرِ منٛز یہِ سپدان چھُ سُہ چھُ غٲر انسٲنی تہٕ ناقابل قبول تہٕ اَتھ پٮ۪ٹھ چھُ فوری توجہ دِنٕچ ضرورت۔