سپریم کورٹ کَرِ جُمعہ دۄہ نیٹ پی جی امتحان ملتوی کرنٕچ عرضی پٮ۪ٹھ شنوٲیی

سپریم کورٹَن ووٚن برٛسوارِ دۄہ زِ سُہ کَرِ جُمعہ دۄہ أکِس عرضی پٮ۪ٹھ شُنوٲیی یَتھ منٛز "کینٛہہ عملی مشکلاتَن” ہٕنٛدِ وجہہ سۭتۍ 11 اگست پوسٹ گریجویٹ کورسَن منٛز دٲخلہٕ خٲطرٕ طے شُدٕ نیشنل ایلیجیبلٹی انٹرینس ٹیسٹ (نیٹ-پی جی) 2024 ملتوی کرنٕچ درخواست چھِ یِوان کرنہٕ۔ تنویر سٕنٛدِ طرفہٕ امہِ معاملُک حوالہٕ دِتھ کٔر تٔمۍ فوری شنوٲیی ہٕنٛز درخواست قبول تہٕ دِژٕن 9 اگست تام فہرست بناونٕچ ہدایت۔
چیف جسٹسَن دِیُت سپریم کورٹ رجسٹری ہُنٛد ہدایت، "مہربٲنی کٔرِتھ بنٲیِو پگہہ اکھ فہرست”۔ سورین سٕنٛدِ طرفہٕ دٲخل کرنہٕ آمٕژ عرضی منٛز چھُ یہِ دلیل دِنہٕ آمٕژ زِ امیدوارَن چھِ تِمَن شہرَن منٛز صحیح وقتس پٮ۪ٹھ امتحٲنی مرکز الاٹ کرنہٕ آمٕتۍ یتٮ۪ن تِمَن تام واتُن چھُ واریاہ مُشکِل باسان۔ تِمَن چھُ پننٮ۪ن امتحٲنی مرکزَن تام واتُن مُشکِل پٮ۪وان۔

درخاستَس منٛز چھُ وَننہٕ آمُت زِ امتحٲنی شہرَن ہٕنٛز الاٹمنٹ ٲس 31 جولائی کرنہٕ آمٕژ تہٕ امتحٲنی مرکزَن ہُنٛد اعلان چھُ 8 اگست یِوان کرنہٕ۔