بی جے پی جنرل سیکریٹری اَشوک کول سُنٛد پنِنہِ عہدٕ  نِشہِ استعفیٰ دِنُک اعلان۔

جموں و کشمیرَس منٛز بھارتیہ جنتا پارٹی (بی جے پی) یونٹَس لوٚگ اکھ بوٚد تنظیمی دھچکہٕ تِکیٛازِ پارٹی ہٕنٛدیو سارِوٕے کھۄتہٕ سینئر تہٕ بااثر رہنُماہن منٛز اَکھ اَشوک کولَن کوٚر باضٲبطہٕ پٲٹھۍ صوبائی جنرل سیکرٹری (تنظیم) کِس عہدٕ پٮ۪ٹھ استعفیٰ دِنُک اعلان۔ سُہ اوس تقریباً 12 ؤر یَن (2012 پیٹھٕ) اتھ اہم تنظیمی عہدس پٮ۪ٹھ لگاتار فٲیض تہٕ چھُ جموں و کشمیرس منٛز بی جے پی ہُک اکھ بوٚڈ تہٕ مضبوٗط شخٕص ماننہٕ یِوان۔

اَشوک کولَن دِیُت استعفیٰ دِنُک بُنیٲدی وجہ پنٕنۍ بڑوٕنۍ وٲنٛس تہٕ خراب  صحت ۔ تٔمۍ ووٚن زِ تٔمۍ سٕنٛز موٗجوٗدٕ جسمٲنی حالت وچھِتھ چھُنہٕ تٔمِس خٲطرٕ یہِ گوٚب تنظیمی ذمہٕ دٲری سمبھالٕنۍ مُمکِن، ییٚمہِ وجہہ  سُہ یہِ اعلان کران چُھ۔