پلوٲمِس منٛز جنوبی کشمیر آپریشنز رینج انٹر بٹالین ہاکی ٹورنامنٹ اختتام پذیر،182 بٹالینن کوٚر امہِ ٹورنامنٹُک خطاب حٲصل۔
اننت ناگس منٛز سپُد جنوبی کشمیر آپریشنز رینجَن پلوامہ ضِلعہٕ ہیڈ کوارٹرَس منٛز واقعہٕ وادی ہُنٛد گۄڈٕنِیُک مصنوعی ہاکی ٹورنامنٹ ختم یُس 182 بٹالینن پننہِ ناوٕ کوٚر۔
پلوامہ تہٕ شوپیاں ضِلعہٕ پیٹھٕ اوس ٲٹھو سی آر پی ایف بٹالین ٹیمو اتھ ٹورنامنٹَس منٛز حصہٕ نِیُمُت۔ میچَن دوران کوٚر کھلاڑٮ۪و بہتٔریٖن گیم پلے، ٹیم ورک، نظم و ضبط تہٕ مسابقتی جذبُک مُظٲہرٕ۔
ٹورنامنٹُک فائنل آو 110 تہٕ 182 بٹالینَن درمیان گِنٛدنہٕ، یَتھ منٛز دۄشوٕیو ٹیٖمو شاندار کارکردٕگی ہُنٛد مُظٲہرٕ کوٚر، ییٚمہِ سۭتۍ سامعیٖنَن اکھ دلچسپ میچ نظرِ گوٚو۔ اَکہِ سخت مُقابلہٕ پتہٕ کوٚر 182 بَٹالِیَنن یہِ پننہِ ناوٕ تہٕ کوٚرُکھ جٔنوٗبی کشمیر آپریشنز رینج انٹر بٹالین ہاکی ٹورنامنٹُک خٕطاب حٲصِل۔
اختتٲمی تقریٖبہِ منٛز کٔر اننت پورہ رینجَس تحت تمام ٲٹھَن سی آر پی ایف بٹالینن ہٕنٛدِ کمانڈنگ افسرَو شرکت۔ افسَرو کٔر دۄشوٕنی ٹیٖمَن ہٕنٛز حوصلہٕ اَفزٲیی یِم فاینلس تام وٲتۍ تہٕ کٔرِکھ کھلٲڑٮ۪ن ہِنٛز کارکردٕگی ہٕنٛدۍ تہِ تعریف ۔