سرینگر پولیسَن کٔر ڈرگ تہٕ دہشت گردی ہٕنٛزن سرگرمیَن سۭتۍ وابستہٕ 7.11 کرور رۅپین ہٕنٛز جائیداد ضبط۔
سرینگر پولیسَن ووٚن اززِ تِمَو چھِ این ڈی پی ایس ایکٹ تہٕ یوٗ اے (پی) ایکٹَس تحت منشیاتٕچ غیر قانونی تجارت، دہشت گردی ہٕنٛزِ سرگرمیَن تہٕ مُتعلقہٕ مٲلی نیٹ ورکَن خٕلاف جٲری کریک ڈاوُن کہِ حصہٕ پٲٹھۍ تقریباً 7.11 کرور رۄپین ہٕنٛدِ قٍمتہٕ چہِ ژور جایداد ضبط کٔرمٕژ۔
أکِس بیانَس منٛز کوٚر پُلسَن ذِکِر زِ زکورا پُلیٖس تھانَن چھُ این ڈی پی ایس ایکٹ کِس دفعہٕ 8/22، 29 ہس تحت ایف آئی آر نمبر 34/2026 کِس سِلسِلس منٛز بلال کالونی، ذکورہَس منٛز اکھ مکانہٕ تہٕ زٔمیٖن ضبط کوٚرمُت، ییٚمیُک قٍمتھ تقریباً 2.5 کرور روپیہِ چھُ۔ تٔحقیٖقاتَس دوران ٲس یہِ جایداد غٲر قونوٗنی منشیاتٕچ سرگرمیَن سۭتۍ وابستہٕ قرار دِنہٕ آمٕژ ٲس این ڈی پی ایس ایکٹ کِس دفعہٕ 68-F(1) تحت منسلک کرنہٕ آمٕژ۔ یہِ حکم چھُ بیٚیِہ نوٹس تام امِچ فروخت، لیز، منتقلی، ترمیم یا ترٛیٚیِم جمٲژ ہٕنٛدِ مفادات ہٕنٛز کانٛہہ تہِ تخلیق رُکاوان۔