‘پرٮ۪تھ کانٛہہ دورَن وول چھُ زینَن وول، کشمیر میراتھن چھُ میڈٰ زیننہٕ علاوٕہ ہٮ۪مت ہاونُک جشن’: ایل جی منوج سنہا

جموں و کشمیرٕکۍ لیفٹیننٹ گورنر منوج سنہاہَن ووٚن آتھٕوارِ دۄہ زِ کشمیر میراتھن چھُنہٕ صِرِف مُقابلہٕ تہٕ تمغن ہُنٛد جشن، بٔلکہِ چھُ دِلیری، استقامت تہٕ ذٲتی مُشکِلاتن پٮ۪ٹھ قابو پاونُک عزمُک جشن۔ کشمیر میراتھن 2026 کِس ترٛیٚیِمہِ ایڈیشن کِس انعامات بٲگراونہٕ کِس تقریٖبَس منٛز خطاب کٔرِتھ ایل جی منوج سنہاہَن کٔر شِرکت کَرن والٮ۪ن تہٕ تمغہٕ زینَن والٮ۪ن مبارکباد تہٕ وونُن زِ پرٮ۪تھ کانٛہہ دورَن وول یُس فنِش لٲنہِ عبور کران چھُ سُہ چھُ پننہِ محنتُک تہٕ مضبوٗط عزمُک مستحق ۔ تٔمۍ ووٚن زِ تقریبہِ دوران آیہِ کُل 68 تمغہٕ دِنہٕ، یِمَن منٛز پوٗرٕ میراتھنَس خٲطرٕ 34 تہٕ ہاف میراتھنَس خٲطرٕ 34 تمغہٕ شٲمِل چھِ۔ تِمَن شِرکت کَرن والٮ۪ن سۭتۍ کَتھ باتھ کٔرِتھ یِمَو نہٕ تمغہٕ زیٖنمٕتۍ، سنہاہَن ووٚن زِ تِہٕنٛز شِرکَت تہٕ لگن چھِ ہِوُے قۭمتی تہٕ زور دِوان زِ میراتھنُک پٔزۍ روح چھُ گۄڈٕنِکہِ نمبرَس پٮ۪ٹھ حٲصِل کرنہٕ کھوتہٕ زیادٕ آسان۔ تٔمۍ ووٚن ووٚن زِ گھنٹَن ہٕنٛزِ کوٗششہِ پتہٕ ٲخری کِلومیٖٹرَس تام دورَن وٲلۍ کھلٲڑٮ۪ن ہٕنٛز ہِمت تہٕ استقامت چھِ برابر احترام تہٕ تعریفُک مستحق۔