خصوصی حیثیتَس پٮ۪ٹھ قرارداد منظور گژھنہٕ پتہٕ میلےجموں و کشمیرٕکیٚن لوٗکَن آواز، یہِ پٲغام گوٚو دُنیاہَس زِ اسہِ سۭتۍ گوٚو غلط: عمر عبداللہ

وزیر اعلیٰ عمر عبداللہ ہَن ووٚن زِ جموں و کشمیر اسمبلی ہُنٛد گۄڈٕنیُک اجلاس، حالانٛکہِ ایجنڈا کہِ لحاظٕ مۄختصر مگر تٲریٖخی اوس، ووٚن زِ پٔتمہِ لٹہِ ییٚلہِ بہٕ ییٚتہِ کھڑا اوس، یہِ ٲس سون ریاست تہٕ اسہِ نِش خصوصی حیثیت چھینہٕ آمٕژ۔ گوٚو، اسہِ چُھ واریاہ کینٛہہ رٲومُت۔
یہِ کَتھ ٲس وزیر اعلیٰ ہن اسمبلی منٛز پننِس خطبس دوران کٔرمٕژ۔
"5 اگست 2019 پتہٕ آو سٲرِسٕے چیز اسہِ نِش نِنہٕ، ییٚلہِ أسۍ ٲخٕری لٹہِ یتھ اسمبلی منٛز کتھ کٔر، جموں و کشمیرس اوس مُلکَس منٛز اکھ خاص مقام حٲصِل۔
وزیر اعلیٰ یَن ووٚن زِ جموں و کشمیر اسمبلی ہُنٛد گۄڈٕنیُک اجلاس اوس "وقتَس منٛز کم مگر ایجنڈا کہِ لحاظٕ سۭتۍ تٲریخی”۔
"مےٚ مِلیوٚو واریاہ کالہٕ پتہٕ ایوانس منٛز یِتھ پٲٹھۍ کتھ کرنُک موقعہٕ۔ مارچ 2014 ہَس منٛز، بطورِ وزیر اعلیٰ تہٕ 2018 ہَس منٛز بطورِ حزب اختلاف گورنر کٔر تٔمۍ تقریرٕچ کتھ مگر وۄنۍ چھُ سورُے کینٛہہ بدلیومُت