یِنہٕ والٮ۪ن 48 گھنٹَن دوران کٔشیٖرِ منٛز شیٖن پیٚنُک اِمکان۔

بھارتی موسمیات محکمَن چھُ یِنہٕ والٮ۪ن 48 گھنٹَن دوران وادی کشمیرَس منٛز ہلکہٕ شیٖنٕچ پیشین گوئی کٔرمٕژ۔ پننِس مشورَس منٛز ووٚن محکمَن زِ 15 نومبر دۄہ زوجیلا، رازدان پاس، سادھنا پاس، سنتھن ٹاپ تہٕ مغل روڈَس پٮ۪ٹھ مُمکنہٕ ہلکہٕ شین آسنہٕ کِنہِ چھُ ٹریفک ہٕنٛز نقل و حرکت عارضی طور متٲثر گژھنُک امکان۔ مُتعلقہٕ محکمہٕ کِس ترجُمانَن ووٚن زِ مٲدٲنی علاقَن منٛز چھُ ہلکہٕ روٗد تہٕ وادی منٛز 14 تہٕ 15 نومبر واریٛاہَن پہٲڑی علاقَن منٛز ہلکہٕ شیٖن پیٚنُک اِمکان۔ تٔمۍ ووٚن زِ مٲدٲنی علاقَن منٛز چھُ ہلکہٕ روٗد تہٕ وادی منٛز 16 نومبر کینٛہہ پہٲڑی علاقَن منٛز ہلکہٕ شیٖن پٮ۪نُک اِمکان، مگر دُپہرَس پتہٕ ہٮ۪کہِ موسم بہتر گژھِتھ۔ تٔمۍ ووٚن زِ پتہٕ روزِ وادی 23 پٮ۪ٹھ 27 نومبر تام خۄشٕک روزنُک امکان۔
ترجُمانَن ووٚن زِ 24 نومبر روزِ وادی منٛز اوٚبُر تہٕ کینٛہَن جایَن پٮ۪ٹھ روٗد یا کینٛہَن پہٲڑی علاقَن منٛز ہلکہٕ شیٖن.