کٔشیٖرِ منٛز 21 پیٚٹھٕ 24 جنؤریس تام شیٖن پیٚنُک اِمکان۔

وادی کشمیرَس منٛز خۄشٕک موسمَس درمیان چھُ موسمیات محکمَن یِنہٕ والٮ۪ن ترٛٮ۪ن دۄہَن دوران اوٚبُر موسمٕچ پیشین گوئی کٔرمٕژ تہٕ پٮ۪ٹھمٮ۪ن علاقَن منٛز چھُ شیٖن پٮ۪وان۔
مُتعلقہٕ محکمہٕ کِس ترجُمانَن ووٚن زِ وادی منٛز ہیٚکہِ 21 پٮ۪ٹھٕ 24 جنؤری تام کُنہِ حدس تام یا مجموعی طور اوٚبُر ٲسِتھ تہٕ اتھ وقتس دوران ہیٚکہِ ہیٚرمٮ۪ن علاقن منٛز کیٚنٛہن جایَن ہلکہٕ شیٖن پیٚتھ۔
تٔمۍ ووٚن زِ پتہٕ 22 جنوری روزِ موسم اوٚبُر تہٕ وادی منٛز ہلکہٕ شیٖن پیٚنُک اِمکان چھُ ییٚلہِ زن جموں صوبہٕ کٮ۪ن مٲدٲنی علاقن منٛز ہلکہٕ روٗد پیٚنُک اِمکان چھُ۔
ترجُمانَن ووٚن زِ وادی منٛز ہٮ۪کہِ 24 جنوری کم و بیش یِتھی روزِتھ۔
تٔمۍ ووٚن زِ پتہٕ روزِ وادی 25 پٮ۪ٹھ 27 جنوری تام خۄشٕک۔
پننِس مشورَس منٛز چھُ محکمَن سیاحَن، مُسافِرن تہٕ ٹرانسپورٹرَن موسمی مشورٕ مُطٲبِق پنِنِس سفرُک منصوٗبہٕ بناونہٕ خٲطرٕ ووٚنمُت۔ أتھہِ دوران چُھ صاف موسمہٕ کہِ وجہہ سۭتہِ وادی منٛز کم از کم درجہٕ حرارتس منٛز کٔمی گٔمٕژ۔