ماہِ رمضانُک ریتھ: کٔشیٖرِ ہٕنٛدٮ۪ن بازرَن منٛز چھِ مُختٔلِف قٕسمٕک طریقو سۭتۍ دُکان سجاونہٕ آمٕتۍ۔

رمضان کِس مُقدس رٮ۪تَس یِنہٕ کِنۍ چھِ وادی کشمیرَس منٛز، خاص طور پٲٹھۍ سرینگر کٮ۪ن بازرَن منٛز دُکانَن مُختٔلِف قٕسمٕک کھجور، مِٹھٲے تہٕ مٮ۪وَو سۭتۍ مزید سجاونہٕ آمٕتۍ، ییٚلہِ زَن کھجورٕ سۭتۍ بٔرِتھ ریڑھ تہِ چھِ بازرَن منٛز نمودار گٔمٕتۍ۔

وادی کٮ۪ن تمام بٔڑٮ۪ن بازرَن منٛز چھِ یِمَن کھجور دُکانَن تہٕ سڑکہِ فروشَن افطار برٛونٛہہ روزٕ تھاون وٲلۍ لوٗکَو سۭتۍ بٔرِتھ تِکیازِ اہلیان وادی چھِ کھجور پھٹراونس ترجیح دِوان۔

أتھہِ دوران آو بٹہٕ وارِ دۄہ رمضان کِس رٮ۪تس مدنظر وادی کٮ۪ن تمام قصبن منٛز ہجوم وُچھنہٕ، خاص پٲٹھۍ سرینگر کٮ۪ن تمام بازرَن منٛز، تہٕ لوٗکھ ٲسۍ مُختٔلِف ضروٗری چیز، خاص پٲٹھۍ کھٮ۪ن چیٖز ہیٚنَس تہٕ کٕننس منٛز واریٛاہ آوٕر۔