جموں کِس آر ایس پورہ علاقَس منٛز ڈرگ ڈیلرگِرِفتار، ممنوعہ مواد برآمد: پولیس

جموں و کشمیر پولیسَن چھُ جموں کِس رنبیر سنگھ پورہ (آر ایس پورہ) علاقَس منٛز اکھ ڈرگ ڈیلر گرفتار کوٚرمُت تہٕ أمۍ سٕنٛدِ قبضہٕ پٮ۪ٹھ ہیروئن ہیوٗ ممنوعہ سامان برآمد کوٚرمُت۔ پُلیٖسٕکہِ ترجُمانَن ووٚن زِ آر ایٚس پوٗرا پُلیٖس تھانہٕ کہِ أکہِ ٹیٖمن رُکٲو ٹنٛڈا روڈس پیٚٹھ معموٗلی گشتَس دوران اَکھ نَفر۔ تِمَو ووٚن زِ تلٲشی دوران آو أمۍ سٕنٛدِ قبضہٕ پٮ۪ٹھٕ ہیروئن ہیوٗ سامان برآمد کرنہٕ، ییٚمہِ سۭتۍ سُہ گِرِفتار گوٚو۔ گِرِفتار کرنہٕ آمتِس نفرٕ سٕنٛز شناخت چھےٚ جاوید احمد ناوٕ سۭتہِ کرنہٕ آمٕژ۔ تِمو ووٚن زِ پُلیٖسن چُھ آر ایٚس پوٗرا پُلیٖس تھانس منٛز ایٚن ڈی پی ایٚس کیٚن مُتعلقہٕ دفعن تحت مُقدِمہٕ درٕج کوٚرمُت تہٕ چُھ تٔحقیٖق شُروٗع کٔرمٕژ۔ تِمَو کوٚر ذِکِر زِ یہِ آپریشن چھُ آپریشن سنجیونیَس تحت منشیاتٕچ سمگلنگ سۭتۍ مُقابلہٕ کرنہٕ باپتھ جموں پولیسٕچ جٲری کوششہِ ظٲہِر کران۔