پہلگام حملَس منٛز چھِنہٕ مقٲمی افراد شٲمِل بلکہ چھِ اتھ غٲر مُلکی ملی ٹنٹ چھِ ذِمہٕ وار:عمرعبداللہ

جموں و کشمیرٕک وزیر اعلیٰ عمر عبداللہَن چھُ پہلگامَس منٛز گژھَن وٲلۍ ملی ٹنٹ حملَس مُتعلِق اکھ اَہَم بیان دِیُتمُت، یَتھ منٛز ووٚنمُت زِ ابتدٲئی تحقیقاتس منٛز چھُ پتہ لگوٚومُت زِ مقٲمی افراد ٲسۍ نہٕ اتھ افسوسناک حملَس منٛز شٲمِل، بلکہِ یہِ پوٗرٕ آپریشن اوس غٲر مُلکی ملی ٹنٹو کوٚرمُت۔ تٔمۍ کوٚر این آئی اے کہِ ذٔریعہٕ کٔرمٕژ تحقیٖقاتَن پٮ۪ٹھ اعتمادُک اِظہار تہٕ کٔرٕن عوامَس اپیل زِ تِم کرَن نہٕ افواہَن پٮ۪ٹھ بۄموارِ دۄہ گُلمرگَس منٛز صحافیَن سۭتۍ کَتھ کران ووٚن وزیر اعلیٰ یَن زِ ‘پہلگامَس منٛز 26 بےٚ گناہ لوٗکھ قتل کرن وٲلۍ سٲری حملہ آور ٲسۍ غٲر ملکی، تہٕ وُنیُک تام چھُنہٕ تفتیٖشَس منٛز کانٛہہ تہِ مقٲمی شمولیت ظٲہِر گٔمٕژ۔’ تٔمۍ کوٚر یہِ تہِ زِ گرفتار کرنہٕ آمٕتۍ زٕ نفر چھِ پٔزۍ پٲٹھۍ ملی ٹنٹن پناہ دِنُک الزام، مگر یہِ عمل اوس ممکنہٕ پٲٹھۍ دباؤ یا جبرَس منٛز کرنہٕ آمُت۔ عمر عبداللہَن ووٚن زِ ‘این آئی اے یَن آسہِ یہِ تہِ ذِکِر کوٚرمُت زِ گرفتار کٔرمٕتۍ نفر ٲسۍ دہشت گردَن ہٕنٛز مدد کرنہٕ خٲطرٕ مجبور کرنہٕ آمٕتۍ۔ تَمِہ کِنۍ، امہٕ وقتہٕ قیاس آرائیہٕ چِھ نامناسب۔’