شری امرناتھ یاترا: تقریباً 2500 زائرینن ہُنٛد بیٛاکھ قافلہٕ گپھایہِ کُن روانہٕ۔

شری امرناتھ جی یاترا چھِ آسانی سان پکان، بَٹہٕ وارِ دۄہ صُبحٲے 2,324 زائرین ہُنٛد بیٛاکھ قافلہٕ چھُ سخت حفاضتہٕ منٛز کٔشیٖرِ کُن روانہٕ۔ سرکٲرِ ذرایعو دِژ اطلاع زِ 2,324 زائرین پٮ۪ٹھ مشتمل بیٛاکھ قافلہٕ گوٚو بَٹہٕ وارِ دۄہ صُبحٲے سخٕت حفاضتس منٛز 92 گاڑٮ۪ن منٛز بھگت نگر بیس کیمپس پٮ۪ٹھ کٔشیٖرِ کُن روانہٕ۔ تِمَو وون زِ یِمَو منٛز ٲسۍ 1,583 زائرین گندربل کِس مرکٔزی ضِلعس منٛز واقع بلتل بیس کیمپس کُن گَژھان، ییٚلہِ زَن 741 حاجی ٲسۍ جنوٗبی ضِلعہٕ اننت ناگ کِس نون پہلگام بیس کیمپس کُن گژھان۔