”میاں الطاف کَتہِ چھُ تہٕ کَتہِ چھُ سُہ ” عمر عبداللہ سٕنٛدی آغا روح اللہس پٮ۪ٹھ تیز ریمارکس۔
جموں و کشمیرٕکۍ وزیر اعلیٰ عمر عبداللہ ہَن کوٚر رُکُن پارلیمینٹ آغا روح اللہ ہَس پٮ۪ٹھ زبٲنی حملہٕ زِ سُہ تہٕ ایم پی میاں الطاف احمد ہٮ۪کو نہٕ أکِس پلیٹ فارمَس پٮ۪ٹھ انِتھ تِکیازِ دۄشوٕنی درمیان چھِ فرقُک دنیا۔
تٔمۍ ووٚن زِ میاں الطاف کَتہِ چھُ تہٕ کَتہِ چھُ سُہ (آغا روح اللہ)”۔ تٔمۍ ووٚن زِ نیشنل کانفرنسَس تہٕ بی جے پی یَس درمیان چھُنہٕ کانٛہہ خفیہ تفہِم۔
وزیر اعلیٰ ہَن کٔر یہِ تبصرٕ ژٔنٛدٕروارِ دۄہ اسمبلی اجلاس پتہٕ میڈیاہَس سۭتۍ کتھ باتھ کٔرِتھ۔
ییٚلہِ میاں الطاف سٕنٛدِس حالَس مُتلِق پرژھنہٕ آمُت تٔمۍ ووٚن: ‘مےٚ چھُ میاں الطافَس واریاہ احترام، سُہ چھُ پارٹی ہُنٛد اکھ سینئر رہنُما۔ تہند اکھ بیان پرنہ پتہ کٔر میہ تس فون، حالانکہ میہ ٲس نہ پزۍ پاٹھۍ کتھ کرنچ ضرورت۔ تٔمۍ کوٚر پانہٕ میون نمبر وُچھِتھ واضح زِ تٔمۍ سُنٛد مطلب چھُنہٕ یہِ زِ تتھ بیانس منٛز کیا اوس پیش کرنہٕ آمُت۔ میہ ووٚن صرف یہ زِ ژیہ پزِ پننہِ عہدس پیٹھ غور کٔرِتھ سونچتھ کتھ کرٕنۍ۔’