بھگونت مان کیجریوالن حکوٗمت چھےٚ پنجابٮ۪ن دھوکہٕ دِوان تہٕ استحصال کران:ترُن چُگ

بی جے پی یَن کوٚر از اروند کیجریوال سٕنٛدِس قیادتس منٛز بھگونت مان حکومتس پیٹھ سخٕت حملہٕ تہٕ لگووُکھ اَتھ پٮ۪ٹھ پنجاب کین لوٗکَن دھوکہٕ دِنُک تہٕ استحصالُک الزام ۔ بی جے پی قومی جنرل سیکریٹری ترُن چُگن کوٚر أکِس بیانَس منٛز ریاستی بجلی محکمَس منٛز أکِس واضح مِثالہِ کُن اِشارٕ، ییٚتہِ بجلی 5.14 رۄپیہِ فی یونٹ پیٹھ ہیٚنہٕ یِوان چھِ۔ ییٚلہِ زن بازرُک قۭمَت چھُ 3 رۄپیہِ فی یونٹ۔ تٔمۍ ووٚن زِ امہِ اقدام سۭتۍ گژھِ ریاستی خزانہٕ پٮ۪ٹھ سالانہٕ 12,500 کرور رۄپین ہُنٛد ہُرٮ۪رتہٕ کٔرٕن سیٲسی وجوہاتَو کِنۍ نجی کمپنیَن ہٕنٛز حمایت کرنَس پٮ۪ٹھ حکوٗمتَس پٮ۪ٹھ تنقید۔ چگَن ووٚن زِ پنجابَس منٛز عام آدمی پارٹی حکومت چھےٚ عہدٕ سنبھالنہٕ برٛونٛہہ اپُزۍ وعدٕ پوٗرٕ کرنس منٛز ناکام تہٕ وۄنۍ چھِ ریاستس دھوکہ دہی سۭتۍ استحصال کرنٕچ کوٗشِش کران۔ چُگَن ووٚن یہِ تہِ زِ بھگونت مان حکوٗمتَن چُھ گۄڈَے پنجابَس لوُٹھ مار کوٚرمُت۔