پارٹی رہنُما سید محمد الطاف بخاری سٕنٛزِ صدارژ منٛز لال چوک حلقس سۭتۍ تعلق تھاون والٮ۪ن پارٹی رہنُماہن تہٕ کارکُنن ہُند اہم اجلاس۔

لال چوک حلقس سۭتۍ تعلُق تھاون وٲلۍ پارٹی رہنُماہن تہٕ سینئر کارکُنَن ہُنٛد اَکھ غٲر معموٗلی اجلاس آو از شیخ باغ کِس پارٹی دفترَس منٛز منعقد کرنہٕ۔

اَمہِ میٹنگہِ ہٕنٛز صدارت کٔر پارٹی رہنُما سید محمد الطاف بخارین۔ اِجلاسَس منٛز آو حلقَس منٛز پارٹی لیڈرَن ہٕنٛزِ کارکردٕگی ہُنٛد جٲیزٕ نِنہٕ تہٕ عوٲمی مسلَن سۭتۍ سۭتۍ کینٛہہ تنظیمی معاملَن پٮ۪ٹھ کتھ باتھ کرنہٕ۔

رہنُما تہٕ کارکُن، خاص کٔرِتھ لال چوک، راج باغ، تہٕ اَخرج پورا وارڈَن ہٕنٛدۍ رہنُما تہٕ کارکُن ٲسۍ اِجلاسَس منٛز موجود۔

اتھ موقعس پیٹھ آو مختلف مسلن پیٹھ کُھلہٕ خیالن ہند تبودلہ کرنہٕ پتہٕ تہٕ واریاہ اہم فٲصلہٕ نِنہٕ۔ پارٹی سربراہَن دِیُت حاضرینن زور زِ تِم کٔرِن پننٮ۪ن متعلقہٕ علاقَن منٛز زوردار عوٲمی رٲبطٕچ مُہِم شُروٗع تہٕ زمینی سطحَس پٮ۪ٹھ لوٗکَن سۭتۍ پوٗرٕ رٲبطہٕ قٲیِم تھاونس پٮ۪ٹھ دیُتُن زور۔

پننِس خطابس منٛز دِیُت تٔمۍ زور زِ حاضرینن پَزِ حلقَس منٛز عوٲمی رٲبطٕچ مُہِم تیز کرٕنۍ تہٕ مُقٲمی مسلَن ہٕنٛز نشاندہی کرٕنۍ یُتھ پارٹی کرِ یہِ یٔقیٖنی زِ یِم معاملہٕ یِن حُکامن ہِنٛدِ طرفہٕ جلدٕی حل کرنہٕ۔