آئی جی کشمیر سٕنٛدِس قیادتس منٛز اعلیٰ سطحی سیکورٹی اِجلاسُک جٲیزٕ

بۄدوارِ دۄہ آیہِ آئی جی کشمیر وی کے بُردھی سٕنٛزِ قیادتس منٛز سری نگر کِس پُلیٖس کنٹرول روٗمَس منٛز اکھ اعلیٰ سطحی اجلاس منعقد کرنہٕ، یَتھ دوران پوٗرٕ حِفٲظتی صورتحالُک جٲیزٕ آو نِنہٕ۔ اَتھ میٹنگَس منٛز کٔشیٖرِ زونٕک تمام ڈی آئی جی، شُمٲلی تہٕ جٔنوٗبی سرینگرٕکۍ ڈی آئی جی سی آر پی ایف، ڈی آئی جی سی آئی ڈی کشمیر، وادی ہٕنٛدٮ۪ن تمام ضِلعن ہٕنٛدِ ایس ایس پی، ایس ایس پی کشمیر، ایس ایس پی ریلوے تہٕ باقٕے اعلیٰ افسر شرکت۔ میٹنگہِ کِس شُروٗعاتَس منٛز آیہِ آیی جی کشمیرَس حفٲظتی انتظامات تہٕ تعینٲتی مَنصوٗبَن مُتعلِق زانکٲری دِنہٕ۔ شری بُردھیَن دِیُت ہِدایَت زِ تمام تَیٲرِی گژھن گۄڈَے پوٗرٕ کرنہٕ یِنۍ، خاص طور پٲٹھۍ یِن رٲژ ہِنٛدِس وقتَس منٛز چیک پوسٹ مضبوٗط کرنہٕ یِنۍ تہٕ وادی ہٕنٛدٮ۪ن حساس مقامَن پٮ۪ٹھ گژھن چوکسی نظر تھاونہٕ یِنۍ۔ تٔمۍ دِیُت امن و امانَس خٲطرٕ خطرٕ پٲدٕ کرن والٮ۪ن عناصرن خلاف سخت نگرٲنی ہٕنٛز ضرورتَس پٮ۪ٹھ زور تہٕ مُتعلقہٕ علاقَن منٛز اعلیٰ سطحٕچ چوکسی تہٕ علاقٲیی غلبہٕ یقینی بناونٕچ اہمیتَس پٮ۪ٹھ زور دِیُت۔