جموں و کشمیر: بارامولہ ہس منز آو پٲکِستٲنؠ جھنڈٕ غبارَن سٕتہِ لٔگِتھ لبنہٕ

حکامَن ووٚن زِ فوجَن کٔر شُمٲلی کشمیر کِس بارہمولہ ضِلعس منٛز پٲکِستٲنۍ جنٛڈٕ وٲلہِ تقریباً داہ غبارٕ برآمد ۔
تِمَو ووٚن زِ یِم غبارٕ آیہِ راتھ شامَس بارامولا کِس خُڈنیار علاقَس منٛز أکِس بالَس پٮ۪ٹھ لبنہٕ، تہٕ یِم ٲسۍ أکِس فوجی جمٲژ معموٗل گشتَس دوران وٕچھنہٕ آمٕتۍ۔
تِمَو ووٚن زِ ‘غبارٕ تہٕ جھنڈٕ آیہِ فوری طور ضبط کٔرِتھ مزید تفتیش باپتھ فوجی حراستَس منٛز نِنہٕ’۔
أتھۍ دوران چھُ سیکورٹی ایجنسیَو یہِ معلوٗم کرنہٕ خٲطرٕ انکوائری شروع کٔرمٕژ زِ یِم غبارٕ چھا لٲنہِ آف کنٹرول پٮ۪ٹھٕ آمٕتۍ، یُس دریافت چہِ جایہِ پٮ۪ٹھٕ 70 کلومیٹر کھۄتہٕ زِیٛادٕ دوٗر چھُ، یا یِم چھا مقٲمی طور شروع گٔمٕتۍ۔