منوج سنہا تہٕ عمر عبداللہ سند مہا شِوراتری کِس خوشی ہِنٛدِس موقعس پٮ۪ٹھ لوٗکَن مبارک باد .

جموں و کشمیرٕکۍ لیفٹیننٹ گورنر منوج سنہا تہٕ وزیر اعلیٰ عمر عبداللہ ہَن کٔر مہا شیوراتری کِس خوشی ہٕنٛدِس موقعس پٮ۪ٹھ لوٗکَن مُبارکباد۔’ایکس’ پٮ۪ٹھ أکِس پوسٹَس منٛز ووٚن منوج سنہاہَن زِ بہٕ چھُس مہا شِوراتری کِس خوشی ہِنٛدِس موقعَس پٮ۪ٹھ پرٛٮ۪تھ کٲنٛسہِ مُبارکباد۔تٔمۍ کٔر دُعا، ‘بھگوان شِو روزِ اسہِ پَنٕنۍ خدایہ دُعا دِوان۔ بہٕ چھُس پرٮ۪تھ شہری سٕنٛدِ صحت، خوشی تہٕ خۄشحٲلی خٲطرٕ دُعا کران۔ یہِ تہوار روزِ یِنہٕ والٮ۪ن ؤرۍ یَن تام بٲے ہٕنٛدِ رشتہٕ مضبوٗط۔’عمر عبداللہَن کٔر اَتھ مُقدس موقعَس پٮ۪ٹھ لوٗکَن مبارک باد تہٕ دُعا کٔرٕن زِ یہِ تہوار واتہِ سارنٕے خٲطرٕ امن، خۄشحٲلی تہٕ فلاح و بہبود۔وزیر اعلیٰ سٕنٛدِس دفترَس ‘ایکس’ ہینڈلَس پٮ۪ٹھ أکِس پوسٹَس منٛز اوسُکھ ونٛنہٕ آمُت زِ ‘وزیر اعلیٰ ہن چھُ مہا شِوراتری کِس خوشی ہِنٛدِس موقعس پٮ۪ٹھ جموں و کشمیر کٮ۪ن لوٗکَن پوٗرٕ دِلہٕ سان مبارکباد دِژمٕژ