مےٚ کور نہٕ دہشت گردن تہٕ پُلسہٕ ہُنٛد استعمال شہری مٲرنہ خٲطرٕ: سکینہ ایتو

سکینہ آیتوَن کٔر تٲلیٖمی قابلیتہٕ کِس ناوس پٮ۪ٹھ تنقید کرنہٕ پتہٕ اسمبلی ہٕنٛدِس أکِس رُکنَس پٮ۪ٹھ سٮ۪ٹھاہ تنقید۔ حکمران پارٹی نیشنل کانفرنس (این سی) تہٕ حزب اِختلاف پیپلز ڈیموکریٹک پارٹی (پی ڈی پی) درمیان چھُ زبٲنی جنگ تیز گومُت۔ جموں و کشمیرٕچ صحت تہٕ طِبی تعلیٖمہِ ہٕنٛز وزیر، سکیٖنہ آیتوَن کوٚر اسمبلی ہٕنٛدِس أکِس رُکنَس پٮ۪ٹھ ‘دہشت گردَن تہٕ پُلسہٕ ہُنٛد استعمال کٔرِتھ لُکھ مارنُک’ اِلزام۔ اسمبلی منٛز ‘توجہ دِنہٕ خٲطرٕ نوٹس’ دوران جواب دِوان کٔر سکینہ ایتوہن سپیکرَس خٕطاب تہٕ کُنہِ ایم ایل اے ہُک ناو وننہٕ ورٲے، کٔرٕن أکِس ایم ایل اے یَس پٮ۪ٹھ سخٕت تنقید کٔرِتھ یِم سٔنٛجیٖدٕ الزام ۔ سکینہ آیتوَن ووٚن اسمبلی منٛز: ‘اسمبلی ہٕنٛدِس معزز رُکنَس پَزِ حدَن منٛز کتھ کرٕنۍ تہٕ ذٲتی حملہٕ کرُن نہٕ۔ تِمَن چھُنہٕ میانہِ تعلیمی قابلیتَس پٮ۪ٹھ سوال کرنُک حق۔ مےٚ چھُ نہٕ زانہہ پننہِ گاڑِ منٛز دہشت گرد یا کانٛہہ ڈی وائی ایس پی لوٗکھ مارنہٕ باپتھ تھوومُت۔ مےٚ تھوو نہٕ ابو دجانہ تہِ پننہِ گاڑِ منٛز۔’ وزیرِ تعلیمَن ووٚن بیٚیہِ: ‘بہٕ روٗد نہٕ جیل کِس ناوس پٮ۪ٹھ ہوٹلَس منٛز۔