جموں و کشمیر پولیسٕچ اکھ زنانہٕ مُلٲزِم منشیات مُتلِق معاملَس منٛز مُبیعنہٕ طور شٲمِل آسنہٕ کِس الزام منٛز نوکری نِشہِ برطرف ۔

جموں و کشمیر پولیسَن کٔر اکھ زنانہٕ مُلٲزِم منشیاتَس مُتلِق أکِس معاملَس منٛز مُبیعنہٕ طور شٲمِل آسنہٕ کِس الزام منٛز نوکری نِش برطرف ۔ سی این آیی مُطٲبِق کٔر پُلسن أکِس اہم کاروٲیی منٛز زنانہٕ مُلٲزِم ڈرگ کیسَس منٛز شٲمِل آسنہٕ باپتھ برخاست ۔ سرکٲرِ ذرایعَو ووٚن زِ پُلسہٕ فالووَر سٕنٛز شناخت ٲس شمیما بانو ناوٕ سۭتۍ کرنہٕ آمٕژ، یۄسہٕ جون 2021 ہَس منٛز نارکوٹکس کنٹرول بیورو (این سی بی) جموں کہِ طرفہٕ این ڈی پی ایس ایکٹَس تحت درٕج أکِس معاملَس کِس سِلسِلس منٛز گِرِفتٲری پتہٕ معطل ٲس کٔرمٕژ، یَتھ منٛز ممنوعہ مادٕ ضبط اوس کرنہٕ آمُت۔ أمۍ سٕنٛزِ گِرِفتٲری پتہٕ آیہِ الزامَن ہٕنٛز تفتیش خٲطرٕ محکمہٕ انکوائری شروع کرنہٕ۔ پُلسہٕ حکامَن ووٚن زِ انکوائری پوٗرٕ کرنہٕ تہٕ مُنٲسِب طٔریٖقہٕ کارٕچ پیروی کرنہٕ پتہٕ کوٚر ایس ایس پی بارامولا ہَن 8 اپریل 2026 جموں و کشمیر پولیس قونوٗنَن ہٕنٛدِ مُتعلقہٕ دفعاتن تحت اختیاراتُک استعمال تہٕ دِیُتُن أمِس ملازمت نِش برطرف کرنُک حُکُم۔