سرینگر کِس لال چوکَس منٛز دِژ زنانہٕ پانَس نار، ہسپتالَس منٛز دٲخٕل.

حُکامَن ووٚن زِ بۄدھوارِ دۄہ دُپہرَس دِژ سرینگر کِس لال چوک علاقَس منٛز پرتاپ پارکہِ منٛز أکہِ زنانہِ مبینہ طور پانَس نار۔أکۍ اہلکارَن ووٚن خبر رساں ایجنسی کشمیر نیوز آبزرور (کے این او) زِ واقعہٕ پتہٕ دٔستی آیہِ زنانہٕ فوری علاج باپتھ ہسپتال دٲخٕل۔امہِ واقعُک مقصد اوس نہٕ فوری طور معلوٗم۔ تٔمۍ ووٚن زِ پولیسَن چھُ معاملُک نوٹس نِیومُت تہٕ تفتیش چھُ شُروٗع کرنہٕ آمُت۔أتھۍ دوران ووٚن ہسپتالٕکۍ أکۍ اہلکارَن زِ زنانہِ چھِ بٔتھِس تہٕ نٔرِ دزنہٕ آمٕژ تہٕ وُنکینَس چھِ علاج جٲری—