*پولیسَن کٔر سوپورَس منٛز سوشل میڈیاہَس پٮ۪ٹھ افواہ پھٲلاونَس پٮ۪ٹھ ترٛےٚ نَفر گِرِفتار*

سوشل میڈیاہَس پٮ۪ٹھ افواہ پھٔہلاونَس خٕلاف کاروٲیی جٲری تھٲوِتھ چھِ سوپورَس منٛز پولیسَن گمراہ کن معلوٗمات بٲگراونہٕ تہٕ پرٲنۍ ویڈیو پوسٹ کرنَس پٮ۪ٹھ ترٛےٚ نَفر گِرِفتار کٔرمٕتۍ، یِمَن ہُنٛد مقصد عوٲمی امن و امان خراب کرُن چھُ۔اَمہِ برٛونٛہہ، آیہِ سوپور پُلیٖس تھانس منٛز مُختٔلِف سوشل میڈیا پلیٹ فارمَو ذٔریعہٕ افواہ پھٔہلاونَس منٛز ملوث افرادَن خٕلاف ایف آئی آر نمبر 93/2026 درٕج کرنہٕ۔ فوری طور کٲم کٔرِتھ کٔر سوپور پولیسَن ملوث افرادَن ہٕنٛز شناخت تہٕ رٔٹِتھ۔اَمہِ معاملٕچ مزید تفتیش چھِ جٲری۔جموں و کشمیر پُلیٖس چُھ عوامس سخٕت مشورٕ دِوان زِ تِم کٔرِن سوشل میڈیاہَس پٮ۪ٹھ غٲر تصدیق شُدٕ مواد بناونَس، بٲگراونہٕ یا بڑاونہٕ نِش بچُن، تِکیازِ اَمہِ قٕسمٕچ کاروٲیی ہیکَن شٔدیٖد قونوٗنی نٔتیٖجہِ ہُنٛد بٲعث بٔنِتھ۔