یہِ چھِ سٮ۪ٹھاہ بدبختی زِ سی بی آی چھِ بنگالَس منٛز عدلیہَس پٮ۪ٹھ الزام لگاوان: سپریم کورٹ

سپریم کورٹَن کٔر ژٔنٛدٕروارِ دۄہ مغربی بنگال کٮ۪ن تمام عدالتن منٛز "دُشمنی ماحولَس” پٮ۪ٹھ سینٹرل بیورو آف انویسٹی گیشن (سی بی آئی) ہٕنٛدۍ مشاہدات "ہتک آمیز تہٕ بدبخت” قرار دِتھ۔ تٔمۍ کوٚر تشددَس سۭتۍ وابستہٕ مقدمَن ہٕنٛز منتقلی ہٕنٛدِس عرضی منٛز دِنہٕ آمتٮ۪ن دلیلن پٮ۪ٹھ ناراضگی ہُنٛد اِظہار تہٕ ووٚنُن ایڈیشنل سالیسٹر جنرل ایس وی راجوَس زِ سی بی آئی کِتھ کٔنۍ ہٮ۪کہِ یہِ ؤنِتھ زِ مغربی بنگال کٮ۪ن عدالتن منٛز چھُ دُشمنی ہُنٛد ماحول۔
بیٚنچن ووٚن زِ یہِ چھےٚ بدبختی زِ مرکٔزی ایٚجنسِین اوس عدلیہس خٕلاف یُتھ بیان دِیُتمُت۔
بیٚنچن ووٚن بیٚیہِ زِ اَتھ عرضی منٛز کَمہِ قٕسمٕچ بُنیاد چھِ تھاونہٕ آمٕژ زِ مغربی بنٛگال کٮ۪ن تمام عدالتن منٛز چھُ دُشمنی ہُنٛد ماحول۔ یہِ چھُ واضح پٲٹھۍ وَننہٕ آمُت زِ عدالتہٕ چھِ غٲر قونوٗنی طور ضمانتہٕ دِوان۔ اَمہِ سۭتۍ چھُ یہِ تاثر دِوان زِ پوٗرٕ عدلیہ چھِ دُشمنی ہِنٛدِس ماحولس منٛز