وزیر اعظم مودیَن کٔر کویتٕکۍ ولی عہد شہزادہ صباح تہٕ فلسطینی صدر عباسَس سۭتۍ دُطرفی ملاقات

وزیر اعظم نریندر مودی ین کٔر اقوام متحدہٕچ جنرل اسمبلی (یو این ای اے) کِس موقعس پٮ۪ٹھ آتھوارِ دۄہ کویتٕکۍ ولی عہد شیخ صباح خالد الحمد الصباح تہٕ فلسطینی صدر محمود عباسَس سۭتۍ دوطرفہ ملاقات۔
ٹویٹرَس پٮ۪ٹھ أکِس پوسٹَس منٛز ووٚن مسٹر مودیَن زِ کویت کِس ولی عہدَس سۭتۍ تٔمۍ سٕنٛز بَحَژ ٲس واریاہ فٲیدٕ منٛد تہٕ یِمو کٔر فارما، فوڈ پروسیسنگ، ٹیکنالوجی، توانٲئی تہٕ باقی شعبَن منٛز تعلقاتَن پٮ۪ٹھ کَتھ باتھ۔
تٔمۍ ووٚن زِ کویتٕکۍ ولی عہد شیخ صباح خالد الحمد الصباحَس سۭتۍ کَتھ باتھ ٲس واریاہ نٔتیجہِ خیز ۔ أسۍ کٔر فارما، فوڈ پروسیسنگ، ٹیکنالوجی، توانٲئی تہٕ باقی شعبن منٛز ہندوستان-کویت تعلقات مزید مضبوٗط کرنٕک طریقن پٮ۪ٹھ بحث۔
أکِس بیانَس منٛز ووٚن زِ یہِ ٲس ؤزیٖر اعظم مودی تہٕ کویتٕک ولی عہد سٕنٛدِس درمِیان گۄڈٕنِچ مُلاقات ۔ جناب مودیَن ووٚن زِ ہندوستان چھُ کویتَس سۭتۍ پننٮ۪ن دوطرفہٕ تعلُقاتن واریاہ اہمیت دِوان