منوج سنہاہَن دِژ لوٗکَن نوراتری پٮ۪ٹھ مبارک باد۔
جموں و کشمیرٕک لیفٹیننٹ گورنر منوج سنہاہن چھُ نوراتری کِس مُقدس تہوار کِس موقعس پٮ۪ٹھ لوٗکَن مبارک باد دِژمٕژ۔
تٔمۍ ووٚن برٛسوارِ دۄہ صُبحٲے ‘ایکس’ پٮ۪ٹھ أکِس پوسٹَس منٛز، "بہٕ چھُس تۄہہِ تہٕ تُہنٛدِس عیالَس نوراتری کِس مُقدس موقعَس پٮ۪ٹھ مُبارک باد دِوان تہٕ تۄہہِ نیک خواہشات دِوان”۔
نوراتری چھُ ہندو متُک اکھ اَہَم تہوار، یہِ تہوار چھُ دیوی دُرگا سٕنٛدِس اعزازس منٛز مناونہٕ یِوان۔