ہندوستانن کٔر بین الاقوٲمی مذہبی آزٲدی پٮ۪ٹھ امریکی کمیشنٕچ رپورٹ رَد۔

ہِنٛدُستانن چُھ امریٖکی کٔمِشن آن اِنٛٹرنیشنَل مذہبی آزٲدی ہِنٛز رِپورٹ رَد کٔرمٕژ تہٕ یہِ چُھ جانبدارانہٕ تہٕ سیٲسی ایجنڈَس پٮ۪ٹھ مبنی قرار دِیُتمُت تہٕ کٔمِشنَس دِیُت مشورٕ زِ سُہ کرِ امریکہَس منٛز انسٲنی حقوق کٮ۪ن مسلن پٮ۪ٹھ توجہ مرکوز۔ سوالن ہُنٛد جواب دِتھ ووٚن وزارت خارجہ کِس ترجمان رندھیر جیسوال زِ "کمیشن کِس رِپورٹَس پٮ۪ٹھ چھِ سانہِ خیالات اصل پٲٹھۍ مشہوٗر۔ یہٕ چِھ اکھ سیٲسی ایجنڈا وٲل رپورٹ۔ یہِ چھُ حٔقیٖقتن غلط پٲٹھۍ پیش کران تہٕ ہندوستانَس مُتعلِق اکھ جانبدارانہٕ رپورٹ دِوان، یُس صرف یو ایس سی آٮٔی آر ایفَس مزید بدنام چھُ کران۔ "
جیسوال ووٚن زِ "أسۍ چھِ یو ایس سی آٮٔی آر ایفَس زور دِوان زِ سُہ کرِ یِتھٮ۪ن ایجنڈَن پٮ۪ٹھ مبنی کوششَو نِش پرہیز تہٕ تٔمِس دِیُت مشورٕ زِ سُہ کرِ پنُن وقت امریکہَس منٛز انسٲنی حقوقن ہٕنٛدۍ مسلہٕ حل کرنہٕ خٲطرٕ زِیٛادٕ نتیجہ خیز استعمال کرنہٕ”