پنجابَس منٛز بین الاقوٲمی ڈرگ ریکیٹُک پردٕ فاش، زٕ گِرِفتار

پنجابٕک ایس اے ایس نگر (موہالی) پولیسَن چھُ أکِس بین الاقوٲمی ڈرگ کارٹیلُک پردہ فاش کوٚرمُت تہٕ 1.5 کِلوگرام ہیروئن ہیتھ زٕ نفر گِرِفتار کٔرۍمٕتۍ۔
ڈائریکٹر جنرل آف پولیس گورو یادوَن ووٚن جُمعہ دۄہ زِ گرفتار کٔرمٕتۍ سمگلرن ہٕنٛز شناخت چھِ سکھدیپ سنگھ تہٕ کرشنا ناوٕ سۭتۍ کرنہٕ آمٕژ۔ تٔمۍ ووٚن زِ 1.5 کِلوگرام ہیروئن آیہِ ضبط کرنہٕ تہٕ دِلہِ منٛز قٲیِم افغان ہینڈلرز یِم بین الاقوٲمی ڈرگ کارٹلَن سۭتۍ وابستہٕ چھِ۔
یادوَن ووٚن زِ گِرِفتار کرنہٕ آمُت سُکھدیپ سنگھ اوس گۄڈٕ 2020 ہَس منٛز اغوا کِس معاملَس منٛز شٲمِل تہٕ مئی 2024 پٮ۪ٹھٕ اوس ضمانتس پٮ۪ٹھ نٮ۪بر۔ سمگلرن ہِنٛدِس طریقہٕ کارس مُتعلِق ووٚن تٔمۍ زِ ہیروئن ٲس نٮ۪صف بانہٕ وٲلۍ جیکٹَن منٛز ژوٗرِ تھٲوِتھ گاڑٮ۪ن منٛز سمگل کرنہٕ یِوان۔ تٔمۍ ووٚن زِ پُلیٖس چھِ معاملٕچ تحقیٖق کران۔