این سی پی یَن کٔر مہاراشٹر اسمبلی انتخاباتَن باپتھ سَتن امیدوارَن ہُنٛد دۄیِم لِسٹ۔

مہاراشٹرٛاہس منٛز نیشنلسٹ کانگریس پارٹی (این سی پی) اجیت پوار دھڑن کوٚر 20 نومبر کٮ۪ن اسمبلی اِنتِخابات خٲطرٕ سَتن امیدوارَن ہُنٛد دۄیِم فہرِست جٲری۔
این سی پی یَن اوس برٛسوارِ دۄہ گۄڈٕنِکِس فہرستَس منٛز 38 امیدوارَن ہٕنٛدٮ۪ن ناون ہُنٛد اعلان کوٚرمُت تہٕ آز کٔرٕن سَتن امیدوارَن ہُنٛد فہرِست جٲری۔
فہرستَس منٛز چھِ باندرہ مشرقُک این سی پی لیڈر بابا صدیقی سُنٛد نیٚچُو، اسلام پورُک نشی کانت پاٹل، تاسگاؤں پٮ۪ٹھ سنجے کاکا پاٹل، لوہا کھنڈرُک پرتاپ چکلیکر، وڈگاؤں شیری پٮ۪ٹھ سنیل یانگری، شیرور حویلی پٮ۪ٹھ دنیشور کٹکے تہٕ انوشکتی نگر حلقہٕ پٮ۪ٹھ نواب ملک سنٛز کوٗر ثنا ملک شٲمِل۔